Sumqayıt şəhərində dənizkənarı parkda kişi meyiti tapılıb.

Azia.az APA-ya istinadən xəbər verir ki, hadisə şəhərin Nəsimi adına Mədəniyyət və İstirahət Parkında qeydə alınıb.

Park ərazisində ağacdan asılı vəziyyətdə olan kişi meyiti aşkarlanıb.

Hələlik kimliyi məlum olmayan 40-45 yaşlarında olan kişinin intihar etdiyi bildirilir. Meyit aidiyyatı üzrə təhvil verilib.

Faktla bağlı araşdırma aparılır.