ABŞ İranla əlaqəli təxminən 500 milyon dollarlıq aktivləri ələ keçirib.

Bunu ABŞ Maliyyə naziri Skott Bessent Fox Business-ə verdiyi müsahibədə açıqlayıb: "Biz təxminən 350 milyon dollarlıq kriptovalyuta aktivlərini ələ keçirməyi bacardıq və bu yaxınlarda daha 100 milyon dollar aldıq ki, bu da ümumi məbləği təxminən yarım milyarda çatdırdı. Biz həmçinin bank hesablarını dondururuq".

24 apreldə Bessent bildirib ki, Vaşinqton Tehrana bağlı kriptovalyuta cüzdanlarında 344 milyon dolları dondurub və İranı "vəsait yaratmaq, hərəkət etdirmək və geri qaytarmaq" imkanından məhrum etmək üçün tədbirlər görməyə davam edəcək.