azia.az
azia.az

Fransa Türkiyəyə 139 axtarış-xilasetmə mütəxəssisi göndərib

6-02-2023, 19:18

Azia.az media-Fransa Türkiyəyə 139 axtarış-xilasetmə mütəxəssisi göndərib.

“Report” xəbər verir ki, bu barədə Fransanın Türkiyədəki səfirliyindən bildirilib.

Məlumata görə, mütəxəssislər bu axşam Türkiyəyə çatacaqlar.

Xatırladaq ki, Böyük Britaniya Türkiyəyə 76 axtarış-xilasetmə mütəxəssisi göndərib.

Qeyd edək ki, bu gün Türkiyənin Kahramanmaraş vilayətinin Pazarcık rayonunda Türkiyə vaxtı ilə saat 04:17-də 7,7, Kahramanmaraşın Elbistan rayonunda saat 13:24-də 7,6 maqnitudalı zəlzələ olub. Bundan başqa 04:26-da, Qaziantepin Nurdağı rayonunda 6,4, saat 04:36-da isə Qaziantepin İslahiye rayonunda 6,5 maqnitudalı təkanlar baş verib.

Zəlzələ Kahramanmaraş, Hatay, Osmaniyə, Adıyaman, Qaziantep, Şanlıurfa, Diyarbakır, Malatya və Adana başda olmaqla ətraf ərazilərdə, o cümlədən Ankarada da hiss edilib.

Son məlumata görə, zəlzələdə ölənlərin sayı 1121 nəfərə çatıb, 7634 nəfər yaralanıb. Təbii fəlakət zamanı 2824 bina dağılıb.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
MƏZƏNNƏ
 Valyuta məzənnəsi