Gürcüstanın turizmdən gəlirləri bu ilin yanvar-noyabr aylarında təxminən 3,2 milyard dollar təşkil edib ki, bu da rekord göstəricidir.

"Margin.az" xəbər verir ki, bu barədə Gürcüstanın Milli Turizm Administrasiyası məlumat yayıb.

Bildirilib ki, bu, pandemiyadan əvvəlki göstəricidən 3,5% çoxdur. Məlumata görə, ölkənin turizmdən gəlirləri ötən ay 305 milyon dollardan çox olub. Bununla yanaşı, bu ilin yanvar-oktyabr aylarında turizm sənayesinin gəlirləri ötən ilin müvafiq göstəricilərini 82,4% üstələyib.