Azia.az-ın xarici mediaya istinadən məlumatına görə, 53 yaşlı Çae Kyonq An maliyyə məsələləri barədə danışmaq üçün keçmiş həyat yoldaşını evinə dəvət edib. Onların söhbəti bir müddət sonra mübahisəyə çevrilib.

Keçmiş həyat yoldaşına əsəbiləşən An onu basdırmaq üçün meşəyə aparıb. Sonra isə onun əl-ayağını skotçla bağlayaraq diri-diri basdırıb və üstünə ağır ağac qoyub.

Ölümlə üz-üzə qalan qadın bir neçə saat sonra skotçdan qurtulub və yerli sakinlərdən kömək istəyib. O, daha əvvəl-mübahisə zamanı smart saatından polisə təcili bildiriş göndərdiyi üçün polislər artıq hərəkətə keçmişdi. Hadisədən saatlar sonra polis şübhəli şəxsi ələ keçirib.