Aİ xarici işlər xidmətinin rəhbəri Josep Borrell ukraynalı həmkarı Dmitri Kuleba ilə iyulun 7-8-də Balidə keçiriləcək Böyük İyirmilik (G20) ölkələri nazirlər toplantısında Avropa İttifaqının Kiyevə dəstəyini ifadə etmək planlarını müzakirə edib. Bu barədə şənbə günü C.Borrell “Twitter”də yazıb.
O, bildirib ki, görüş zamanı Aİ Ukraynaya güclü dəstəyini bir daha təsdiqləyəcək, qlobal ərzaq böhranının nəticələrini müzakirə edəcək və Rusiya tərəfini Qara dəniz limanlarını açmağa çağıracaq.