Kibertəhlükəsizlik üzrə amerikalı mütəxəssis Vinni Troyya 1,2 milyard sosial şəbəkə istifadəçisi haqqında informasiyadan ibarət məlumat bazasını aşkar edib. Bu haqda “Wired” nəşri məlumat verib. Teleqraf.com xəbər verir ki, sözügedən fayl “Google Cloud” bulud xidmətində saxlanılıb.Troyya deyib ki, bazada “Twitter”, “Facebook”, “LinkedIn” və “GitHub” xidmətlərindən istifadə edənlərin profillərindəki informasiya yerləşdirilib.Nəticədə onların ev və mobil telefonları (təxminən 50 milyon nömrə), məşğulluq tarixçəsi və elektron poçt ünvanları internetdə əlçatandır. Faylların adı informasiyanın çox hissəsinin ABŞ-ın “People Data Labs” şirkətinə aid olduğunu göstərir.