Bunu Milli Məclisin bu gün keçirilən iclasında deputat Etibar Əliyev deyib. 

"Bunlara qoşulanlardan biri də 30 il Suraxanı rayonu Mənzil Kommunal İstismar Təsərrüfatı Birliyinin sədri Mais Məmmədov və Hacıbala Abutalıbovun qardaşının kürəkənidir. Rayonu 4 nəfər işğal edib. 220 min əhalisi olan rayonun bir peşə məktəbi yoxdur. Lakin onlarla pub, restoran, diskoteka var. Qaraçuxur və Yeni Günəşlini Hacıbala Abutalıbov, İlqar Abbasov və Mais Məmmədov hasara alıblar. Milyonlarla manata ev tikənlərə satırlar. Bu, vəzifə səlahiyyətlərində sui-istifadədir. Həmin torpaqların necə zəbt olunması araşdırılmalıdır. Belə hallar başqa rayonlar üçün də xarakterikdir. Belə adamların əlindən bələdiyyələr zəlil olub”, deyə Etibar Əliyev bildirib.Qaynarinfo 

 

Qeyd edək ki, Hacıbala Abutalıbov 16 fevral 1995-ci ilədn 17 yanvar 2000-ci ilədək Suraxanı İcra Hakimiyyətinin başçısı olub. 2001-2018-ci illərdə Bakı meriyasına rəhbərlik edən Hacıbala Abutalıbov 2018-ci ilin 21 aprelindən 2019-cu ilin 21 oktyabrınadək Baş nazirin müavini vəzifəsini tutub.

 

İlqar Abbasov isə 2005-2019-cu illərdə Suraxanı İcra Hakimiyyətinin başçısı olub. O, 2019-cu ilin 12 noyabrından Şirvan Şəhər İcra Hakimiyyətinə başçılıq edir.