“Mamed” toy sahiblərindən karantinə görə polisə vermək üçün 700 manat tələb edir...

Şadlıq evi toy kasetini niyə vermək istəmir ?

Şadlıq evində iylənmiş yeməklərdən qonaqlar zəhərləndi..


“Yeganə” şadlıq sarayı ölkə mediasında zaman-zaman öz mənfi reputasiyası ilə ad-san çıxarıb.
Əlbəttə, “nümunələr”in hamısını yox, bir neçəsini oxucuların nəzərinə çatdıraq və keçmişə azca ekskurs edək.
Deməli, şadlıq sarayının rəhbərliyi dəfələrlə işbirliyi qurduğu şəxsləri şantaj edib, hətta polislə hədələyib.
Belə ki, şadlıq sarayının rəhbərliyi şadlıq sarayı üçün sifariş etdiyi dəvətnamələrin pulunu ödəməmək üçün şantaj yolunu seçib və 120 min manat borcu bu iyrənc yolla qaytarmaq istəməyib. Bunun üçün hətta yüksək vəzifəli şəxslərin adından istifadə etməkdən çəkinməyib.
Digər biabırçı və cinayət xarakterli misal.
Şadlıq sarayının rəhbəri olan şəxsin oğlu avtomobillə adam vurub öldürüb. Onun cinayət məsuliyyətindən azad olunması üçün 52 min 500 manat rüşvət verilib. Məqsəd qəzada ölən qadının guya sərxoş olması ilə bağlı ekspert rəyinin alınması olub.
Onu da qeyd edək ki, qəzada ölən qadın Qarabağ şəhidinin qızıdır.
Bəlkə şadlıq evinin sahibi Məmməd Rəhimovun başqa əməllərindən danışaq.
Oğurlanmış adamın “Yeganə” şadlıq evinə gətirilməsi, tapança ilə başına döyülməsi, adamın 3 gün şadlıq evində əsir saxlanılması, böyük soyuducuya soxulması və daha nələr, nələr.
Bəli, “Yeganə Mamed” deyə bilər ki, bunlar keçmişdə olub.
Bəs bu gün baş verənlər.
Birincisi, süni şəkildə qiymətləri artırırsınız.
İkincisi, artıq neçənci dəfədir ki, karantin qaydalarını pozduğunuza görə, cərimələnirsiniz və inzibati cəza alırsınız.
Bütün bunlar sizə dərs olmur, ay Mamed müəllim ??
İndi də toy sahibini biabır və rüsvay edirsiniz.
Belə ki, Yeganə şadlıq sarayının Abşerondakı, daha dəqiq desək Xırdalandakı filialı olan “Səmayə” şadlıq evində baş verən rüsvayçılığı oxucuların və ən əsası dövlət orqanlarının nəzərinə çatdıraq.
Toy sahibi Elçin Aydınov və anası bildirir ki, 26 iyul 2021-ci il tarixdə “Səmayə” şadlıq evində toy mərasimləri olub. Əvvəldən danışıb behimizi vermişdik. Toya dəvət olunanlar əsasən təhsil sahəsinin nümayəndələri, müəllimlər olublar.
Şikayətçilər bildirir ki, qonaqlarımız zala daxil olandan sonra verilən yeməklərin köhnə olması səbəbindən qonaqlar zəhərlənməyə başladılar. Qonaqlar bir-bir tualetə gedərək yediklərini qaytarır, davamlı olaraq qusurdular. Yeməklər könə, içkilər isə qapağı açıq idi. Xidmətçilərdən çəngəl, bıçaq tələb edəndə sanki arxalarından çıxardırdılar. Süfrələrdə olan ət məhsullarının mənşəyi bəlli deyildi, çox pis qoxuyurdu. Meyvələrdən isə danışmağa dəyməz, hamısının vaxtı keçdiyi üçün qaralmışdı. Qonaqlar növbə ilə tualetə qaçır və yediklərini qaytarırdılar.
Toy sahibləri deyir ki, qonaqların yanında biabır olduğumuzdan ölüb yerə girmək istəyirdik.
Toy sahibləri bildirir ki, xəcalət çəkdiyimizdən toyun sabahı günü qonaqların yazdırdığı pulları bir-bir gəzib özlərinə qaytardıq və qonaqlardan dəfələrlə üzr istədik. Amma keçirdiyimiz sterssdən özümüzə gələ bilmirik.
Toy sahibləri deyir ki, atalar demiş biz can hayımızda , Mamed isə piy arzusunda.
Mamed törətdiyi əməllərdən utanıb-qızarmaq əvəzinə toy sahibindən 200 manat tələb edir ki, üstünü düzəldib karantinə görə, polisə 700 manat verəcəm.
Toy sahibi də deyir ki, başımıza açdığın rüsvayçılıq bəs etmir, hələ bizdən pul tələb edirsən, bizi məcbur edirsən ki, polisə rüşvət verək...
Mamed toyda baş verən rüsvayçılığı gizlətmək üçün toyun kasetini toy sahibinə vermək istəmir, əksinə əlavə pul tələb edir.
Toy sahibi isə haqlı olaraq Mamedin istədiyi pulu vermək istəmir.
Mamed isə bütün hədləri keçərək...toyun sahibini polislə hədələyir və polisə şikayət edir.
İndi toy sahibləri qalıb polislə Mamedin arasında.
Onu da qeyd edək ki, Səmayə şadlıq evini hazırda Ramiz adlı şəxs işlədir.
“Yeganə Mamed”in səngərdəki hərbçini təhqir etməsi isə heç bir əndazəyə sığmır.
Bütün bu baş verənlərə Qida Təhlükəsilik Agentliyinin, hüquq-mühafizə orqanlarının və ən əsası karantin qaydalarını pozmaq üçün polisə 700 manat verilməsi ilə bağlı DİN rəhbərliyinin münasibəti çox vacibdir.
Qurumların mövqeyini öyrənməyə çalışacağıq, yazıda adları keçən şəxslərin hər birinə cavab haqqı tanıyırıq.
Bizi izləyin.
gundelik baki.com
Teref.az olaraq məqalədə iddia olunan ittihamlarla bağlı qarşı tərəıfin mövqeyini dərc etməyə hazırıq!
Teref.az