Sabirabad rayon Heydər Əliyev Mərkəzində vətəndaşlara pulsuz hüquqi yardım göstərilib.

E-huquq.az xəbər verir ki, "Mirzəyev və partnyorları" Vəkil Bürosunun dəstəyi və Milli Məclisin deputatı Ramin Məmmədovun təşkilatçlığı ilə Sabirabad rayonunda 10 dekabr - Ümumdünya İnsan Hüquqları Gününə həsr edilmiş pulsuz hüquqi yardım aksiyası keçirilib.

Vətəndaşlarla görüşən büronun vəkilləri müraciət edən şəxslərə müxtəlif növ hüquqi yardım göstərib, onların problemləri ilə tanış olublar. Vətəndaşları maraqlandıran suallar cavablandırılıb, onlara müvafiq məsləhətlər verilib.

Vətəndaşlar aksiyanın təşklinə görə Milli Məclisin deputatı Ramin Məmmədova və "Mirzəyev və partnyorları" Vəkil Bürosunun vəkillərinə təşəkkür ediblər.