azia.az
azia.az

Obama Putindən Əsədə təzyiq göstərməsini istəyib

22-04-2016, 10:16

Obama Putindən Əsədə təzyiq göstərməsini istəyib ABŞ prezidenti Barak Obama Vladimir Putinlə son telefon danışığından bəhs edib. Prezidentlərin telefon danışığının təfərrüatları ortaya çıxıb. Telefon söhbəti zamanı Barak Obama Putindən atəşkəsə riayət etməsi üçün Suriya hakimiyyətinə təzyiq göstərməsini istəyib.
Bu barədə Ağ Ev rəhbəri Ər-Riyadda keçirilən ABŞ və Fars Körfəzi ərəb dövlətlərinin əməkdaşlıq şurasının birgə sammitində bəyan edib.
“Mən Vladimir Putindən Suriya prezidenti Bəşər Əsədə təzyiq göstərməsini istədim”-deyə Əl Ərəbiya kanalı Obamanın sözlərindən sitat gətirib. Obama Putindən Əsədə təzyiq göstərməsini istəyib Aprelin 18-də Rusiya prezidenti Vladimir Putin və Obama telefon danışığı zamanı Suriyadakı vəziyyəti müzakirə edib. Hər iki lider Rusiya və ABŞ-ın təşəbbüsü ilə əldə olunan atəşkəs razılaşmasının davam etməsinə, ehtiyac olan bölgələrə humanitar yardım göndərilməsinə qərar veriblər.
Bu barədə məlumatı yayan Kremlin rəsmi internet saytı bildirib ki, Putin terrorçuların və silah qaçaqmalçılarının istifadə etdiyi Türkiyə-Suriya sərhədinin bağlanmasını da təklif edib. Kremlin mətbuat xidmətinin yaydığı məlumata görə, telefon danışığı ABŞ tərəfinin təşəbbüsü ilə baş tutub.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
«    May 2022    »
BeÇaÇCaCŞB
 1
2345678
9101112131415
16171819202122
23242526272829
3031 
MƏZƏNNƏ
 Valyuta məzənnəsi