“Rusiya və Türkiyə ilə birlikdə Qara dənizdə Ukrayna taxılı olan gəmilərin müşayiəti üçüncü tərəf tərəfindən təmin ediləcək, həmin tərəf daha sonra müəyyənləşəcək”.



Xəbər verilir ki, bunu Rusiyanın xarici işlər naziri Sergey Lavrov Ərəb Dövlətləri Liqasına üzv ölkələrin daimi nümayəndələri ilə görüşündə deyib.

"İstanbulda biz razılığa gələ bildik: Ukrayna minatəmizləmə ilə məşğuldur, açıq dənizə gəmilər buraxır, Rusiya, Türkiyə və başqa iştirakçı müəyyənləşib, gəmini Bosfor boğazına qədər müşayiət edir", - deyə rusiyalı nazir bildirib.

Lavrovun sözlərinə görə, İstanbulda razılaşmalarla eyni vaxtda imzalanmış Rusiya-BMT memorandumu BMT-nin baş katibini prosesə başlamaq, Qərb ölkələrini razı salmaq və Rusiya taxılının ixracına qoyulan bütün məhdudiyyətlərin aradan qaldırılması barədə qərar qəbul etmələrini təmin etmək məcburiyyətindədir.

Xatırladaq ki, iyulun 22-də İstanbulda Rusiya məhsullarının ixracına qoyulan məhdudiyyətlərin aradan qaldırılması və Ukrayna taxılının ixracına Rusiyanın yardımı haqqında çoxtərəfli sazişlər imzalanıb.