Moskva Kiyevlə normal münasibətləri bərpa etməyə hazırdır, Ukrayna xalqı Rusiya üçün qardaşdır. “RİA Novosti”yə istinadən xəbər verir ki, bunu Rusiyanın xarici işlər naziri Sergey Lavrov bildirib.

“Biz Ukrayna ilə normal münasibətləri bərpa etməyə hazır olduğumuzu daim vurğulayırıq, çünki Ukrayna xalqı bizimlə çox yaxın və qardaşdır”, - deyə Lavrov müasir jurnalistikanın “Bütün Rusiya – 2021” forumunda qeyd edib.

Qeyd edək ki, Kiyevdə keçirilən “YES Brainstorming” forumunda Ukrayna prezidenti Vladimir Zelenski bildirib ki, Rusiya ilə genişmiqyaslı müharibəni mümkün hesab edir. Onun fikrincə, hadisələrin bu cür inkişaf edəcəyi təqdirdə, “bu, Rusiyanın ən böyük səhvi olacaq”. Zelenski hesab edir ki, ukraynalılar və ruslar düşmənə çevriliblər və hazırda aralarında boşluq var.