İstanbulda azərbaycanlı qadınların davası polisin hadisə yerinə gəlməsinə səbəb olub.

Azia.az Türkiyə KİV-nə istinadən xəbər verir ki, Nişantaşı adlanan ərazidə yerləşən estetik mərkəzində sivri çənə əməliyyatı etdirən azərbaycanlı M.İ adlı qadın durumundan razı qalmayıb.

Nəticəni bəyənməyən M.İ. yenidən estetik mərkəzə gəlib. O mərkəzin azərbaycanlı rəhbərləri F.D. və S.D. ilə mübahisə etməyə başlayıb. Mübahisə qısa zamanda böyüyərək davaya çevrilib.

İddialara görə, dava zamanı M.İ estetik mərkəzinin pəncərəsinə çıxaraq “Məni girov götürüblər, öldürürlər” deyə qışqırmağa başlayıb. Küçədən keçənlər qadının qışqırıq səsini eşidərək polisə xəbər veriblər.

Bu zaman küçədə gözləyən M.İ.-nin yaxınları M.T və F.H-də baş verənləri görərək estetik mərkəzə gediblər. Hadisə yerinə gələn polislər onları bölməyə aparıb. Hər iki tərəfin bir-birindən şikayət etdiyi bildirilib.