Azərbaycan Tələbələri platforması, ExpressXəberler və Xəzər Xəbər TV-nin birgə təşkilatçılığı ilə xaricdə təhsil alan tələbələr arasında ilin ən aktiv və nümunəvi gəncləri müəyyənləşdirilib.

Nəticələrə əsasən müxtəlif nominasiyalar üzrə aşağıdakı tələbələr qalib elan olunublar:

İlin ən aktiv tələbəsi – Əntiqə Niftəliyeva

İlin ən nümunəvi məzunu – Şəbnəm Tağıyeva

İlin beynəlxalq müsabiqələr qalibi – Vüsal Hümbətzadə

İlin ən yaradıcı tələbəsi – Aysun Kərimova

İlin ən yüksək göstəricili tələbəsi – Sevinc Əliyeva

Qeyd edək ki, layihənin əsas məqsədi xaricdə təhsil alan azərbaycanlı tələbələrin akademik nailiyyətlərini, ictimai fəallığını və yaradıcılıq potensialını ön plana çıxarmaq, gəncləri daha aktiv olmağa təşviq etməkdir.

Təşkilatçılar bildiriblər ki, bu kimi təşəbbüslər gələcəkdə də davam etdiriləcək və gənclərin beynəlxalq səviyyədə uğurlarının tanıdılmasına xidmət edəcək.