azia.az
azia.az

Məktəb direktoru "150 süpürgə"dən danışdı

10-10-2016, 12:48

Məktəb direktoru "150 süpürgə"dən danışdı
Valideynin məktəbə 150 süpürgə göndərməsi tamamilə yalan məlumatdır.

Milli.Az bildirir kİ, bunu azvision.az-a açıqlamasında E.Zeynalov adına 1 saylı Hacallı kənd tam orta məktəbin direktoru Səyyarə Zeynalova deyib.

Direktor qeyd edib ki, belə bir hadisə olmayıb:

"Bərdə Rayon Təhsil Şöbəsinə, Yevlax Rayonu Təhsil İdarəsinə izahat yazmışam ki, bu iş araşdırılsın. Bu adamın atdığı addım şantajdır. Bu məlumat düzgündürsə, valideynin adı qeyd edilsin və araşdırılsın. Tələb edirəm ki, həmin adam tapılsın. Əgər günahkaramsa, məni cəzalandırsınlar. Axı məktəbdə belə pul yığımı və s. olmur", - deyə adıçəkilən məktəbin direktoru vurğulayıb.

Qeyd edək ki, bu günlərdə sosial şəbəkə istifadəçilərinin yaydığı məlumata görə, Bərdə rayonun Hacallı kəndindəki orta məktəbdə oxuyan şagirdlərdən birinin valideyni "süpürgəpulu" tələbinə qarşı original addım atıb. Belə ki, dəfələrlə məktəbə "süpürgəpulu" yollayan ata bu dəfə 150 ədəd süpürgə alaraq, təhsil müəssisəsinə göndərib.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
MƏZƏNNƏ
 Valyuta məzənnəsi