Qazaxıstanda Nur-Sultan – Almatı reysi zamanı SCAT aviaşirkətinin təyyarəsi quşla toqquşub.

Azia.Az-ın Mərkəzi Asiya ölkələri üzrə bürosu xəbər verir ki, şirkətin mətbuat xidməti enişinin normal rejimdə baş verdiyini bildirib.

Uçuş zamanı ekipaj bortun kənarında səs-küyün olduğunu eşidib.

Bütün uçuş zamanı mühərriklərin parametrləri mütləq normanı göstərib. Təsdiq edilmiş uçuş təlimatlarına əsasən ekipaj bu barədə məlumatı Almatı hava limanının dispetçerinə bildirib. Uçuş və eniş nəzərdə tutulan cədvəl üzrə reallaşıb” deyib.

Sonra ətraflı müayinə zamanı laynerin gövdəsində quşun izləri aşkarlanıb.