Bir vətəndaşın faiz dərəcəsi milli valyutada 12%-i, xarici valyutada isə 2,5%-i keçmirsə, onun bankdakı 100 min manata qədər əmanəti tam sığortalı əmanətdir. Bu baxımdan, bankın bağlanması heç nəyi dəyişmir. Əmanətlərin Sığrotalanması Fondu 1 ay ərzində əmanəti qaytarmalı, kompensasiya ödəməlidir. Burada problem daha çox sahibkarlar, şirkətlər üçündür...”

Bu sözləri Pravda.az-a açıqlamasında bank məsələləri üzrə ekspert Əkrəm Həsənov deyib. 

“Şirkətlərin banklardakı vəsaitlərinin sığortası yoxdur. Yalnız fərdi sahibkarların 20 min manata qədər əmanətlərinin sığortası var. Şirkətlərin bu məsələdə seçimi yoxdur, qanun onları məcbur edir ki, vəsaitlərini banklarda saxlasınlar, çünki ödənişlərin çoxunu nağdsız şəkildə həyata keçirməlidirlər. Bu, onlar üçün siqnaldır ki, gərək, çox böyük və orta səviyyəli banklara üstünlük versinlər”, - ekspert bildirib. 

Aytəkin Qardaşova