Rusiyanın Böyük Britaniyadakı səfirliyinin qalmaqallı tviti ada dövlətində böyük hay-küy doğurub.

Xəbər verilir ki, müxalifətdə olan Leyboristlər Partiyasından olan deputat Kris Brayant Azov alayının əsir düşmüş döyüşçülərinin asılmasını tələb edən Rusiya səfirliyinin ölkədən qovulmasını tələb edib.

"Bu, qeyri-qanuni hərəkət kimi qiymətləndirilməlidir. Bu, müharibə cinayətinə çağırışdır. Böyük Britaniyanın bütün Rusiya səfirliyini Moskvaya geri göndərməsinin vaxtı çatıb. Liz Trass, siz hara baxırsız?",-deyə britaniyalı deputat yazıb.

Xatırladaq ki, Rusiyanın Britaniyadakı səfirliyi Twitter səhifəsində Azov alayının döyüşçülərinin öldürülməsinə haqq qazandıraraq, onların alçaldıcı ölümə layiq olduqlarını yazmışdı.