Samux rayon İnstitut qəsəbə tam orta məktəbində çəkilən qızla oğlanın xoşagəlməz videosuna görə kimya müəlliminin işdən çıxarılması üçün təqdimat yazılıb.

Azia.az bildirir ki, Unikal.org-a müraciət edən Samux rayon İnstitut qəsəbə tam orta məktəbin kimya müəllimi İradə Həsənova bildirib ki, həmin videonun yayılmasında onu günahlandırırlar. Buna görə də məktəbin direktoru Gülsabah Abbasova pedoqoji şuranın adından Təhsil Nazirliyinə onun işdən xaric olunması üçün müraciət edib:

“Həmin oğlan nadinc şagird olduğu üçün 9-cu sinifdən məktəbdən çxarılıb. Həmin oğlan sonra gəlib məktəbin şüşəsini sındırdı. Daha sonra isə oğlanın əmisi gəlib, şüşəni düzəltdirdi.Sonra bu oğlanın qızla xoşagəlməz videosu yayıldı. Deyirlər ki, video Yeni il şənliyində çəkilib. Əslində isə yalandır. Oğlan telefonu başqa tanışına verib ki, qızla o cür görüntülərini çəksin. Direktor videonun çəkilmə tarixi ilə bağlı da nazirliyi aldadır. Bundan başqa məktəbimizin direktoru özünün işə təyin olunmağı münasibəti ilə təntənəli yığıncaq keçirib, hər müəllimdən 25 manat pul yığdı. Gülsabah Abbasovanın həyat yoldaşı yığıncağa böyük gül puketi gətizdirib, özü də orada iştirak edib. Həmin yığıncağın da videosu yayıldı. Direktor bu görüntülərin yayılmasında məndən şübhələnir. Direktor tapşırıb görüntülər silinsin. Oğlanın əmisi də deyir ki, məni tanımır, görüntüləri Tinatin adlı müəllimə göndərib. Amma buna baxmayaraq direktor məndən əl çəkmir. Məni işdən çıxarmaq üçün Təhsil Nazirliyinə müraciət edib. Hələ bu azmış kimi direktorun həyat yoldaşı oğlumun qarşısını kəsib, “görərsiz ananın başına nə oyun açacağıq” deyib. Vallah mənim bu videoların yayılmasından xəbərim yoxdur. Xahiş edirəm Təhsil Nazirliyi bu məsələni doğru araşdırsın.”