Hər il 22 sentyabrda dünyada geniş şəkildə qeyd olunan Beynəlxalq Avtomobilsiz Gün (Car Free Day) bu il ilk dəfə olaraq Azərbaycanda da keçiriləcək. Yerli tədbir 21 sentyabrda M. Naxçıvani küçəsində baş tutacaq və iştirakçılar Bolt tərəfindən təqdim olunan elektrik skuterlərin sürmə qaydaları və təhlükəsizlik məsələləri barədə məlumatlandırılacaq. Bununla yanaşı, həmin gün bütün şəhər üzrə xüsusi endirim kampaniyası tətbiq olunacaq – kilid açma pulsuz, hər dəqiqə isə cəmi 0.08 AZN olacaq.

Statistik məlumata əsasən Azərbaycanda ümumi avtomobil sayı təxminən 2 milyon təşkil edir. Bunun təxminən 50 faizi – 900 min – 1 milyon avtomobil Bakıda qeydiyyatdadır və ya istifadə olunur. Son illərdə avtomobil sayında davamlı artım müşahidə olunur: 2010-cu illərlə müqayisədə paytaxtdakı avtomobillərin sayı iki dəfəyə yaxın artıb. Bu artım əhali sayının və urbanizasiyanın çoxalması, şəxsi avtomobilə olan tələbatın yüksəlməsi, ikinci əl avtomobil bazarının genişlənməsi, həmçinin kredit və lizinq xidmətlərinin əlçatan olması ilə bağlıdır. Hazırda avtomobillərin 90 faizini şəxsi minik avtomobilləri, 5–7 faizini taksilər və ictimai nəqliyyat, 3–5 faizini isə yük və kommersiya avtomobilləri təşkil edir.

“Car Free Day” günündə hər kəs şəxsi avtomobilini evdə saxlayaraq, şəhərdə daha davamlı və ekoloji təmiz hərəkət vasitələrini – skuter, velosiped, ictimai nəqliyyat və ya piyada gəzintini seçməklə həm tıxacların, həm də havanın çirklənməsinin azalmasına öz töhfəsini verə bilər.

Bolt-un missiyası – “Şəhərlər insanlar üçün, avtomobillər üçün deyil”

Bolt inanır ki, davamlı şəhər nəqliyyatı insanların gündəlik həyatının ayrılmaz hissəsi olmalıdır. Şirkətin təklif etdiyi skuter, velosiped və digər mikromobil xidmətlər avtomobil sıxlığını azaldır, havanın çirklənməsinin qarşısını alır və hər kəs üçün daha əlçatan hərəkət imkanı yaradır.

Bolt-un Mikromobillik Meneceri Elnur Hacılı bildirib:

"”Car Free Day” yalnız bir günlük tədbir deyil, daha böyük bir ideyanın təcəssümüdür – şəhərlər insanlara qaytarılmalıdır. Biz Bolt olaraq inanırıq ki, mikromobil həllər nəqliyyatı daha dayanıqlı, ətraf mühiti isə daha təmiz edəcək. 21 sentyabrda hər kəsi avtomobilləri kənara qoymağa və şəhərin azad küçələrindən zövq almağa dəvət edirik."

Avtomobilsiz gün ekologiya üçün əhəmiyyətlidir, çünki avtomobillərin tullantıları havanı çirkləndirir və iqlim dəyişikliyini sürətləndirir; şəhər həyatı üçün vacibdir, çünki avtomobil sıxlığı səs-küy, stress və vaxt itkisinə səbəb olur; insanlar üçün isə önəmlidir, çünki avtomobillərin çoxluğu küçələri insanlardan alır və piyada ilə velosipedçilərin təhlükəsizliyini azaldır. “Car Free Day” şəhərlərdə təmiz hava, daha az səs-küy və daha çox insan dostu məkan deməkdir.

21 sentyabr – Car Free Day münasibətilə Bolt hər kəsi maşınını evdə saxlamağa və şəhərdə hərəkətin daha ağıllı, sürətli və ekoloji yolunu seçməyə dəvət edir; bu xüsusi gündə Bolt Scooter-larla səyahət həm daha sərfəli, həm də daha əyləncəlidir, çünki kilid açma pulsuz, hər dəqiqə isə cəmi 0.08 AZN-dir – gəl, sən də bizə qoşul və şəhəri tıxacdan və havanın çirklənməsindən azad etməyə töhfə ver.