Ölkə ərazisində isti hava şəraiti avqustun ikinci yarısınadək davam edəcək.

Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədova Referans.az-a avqust ayının ümumi hava proqnozu haqqında məlumat verib.

“Avqust ayının ortalarınadək isti hava şəraiti davam edəcək. Havanın maksimal temperaturunun Bakıda və Abşeron yarımadasında 35-40, bəzi yerlərdə 41-42, bölgələrdə 37-41, Naxçıvan Muxtar Respublikası və Aran rayonlarının bəzi yerlərində 42-44, dağlıq rayonlarda isə 29-34 dərəcə isti olacaq”.

Qeyd edək ki, avqust ayının ikinci yarısından sonuna doğru havanın temperaturunun nisbətən enəcəyi gözlənilir.