“Deputatların İrəvana səfəri ilk hal deyil, bundan əvvəl də belə səfərlər olub”.

Bunu Gundem.az-a açıqlamasında millət vəkili Aqil Abbas sabah İrəvanda keçiriləcək AVRONEST Parlament Assambleyasının komitə iclaslarında azərbaycanlı deputatların iştirakından danışarkən deyib.

“Bundan əvvəl deputatlarımız Qara Dəniz İqtisadi Əməkdaşlıq Təşkilatı Parlament Məclisinin iclasında çıxış etmək üçün İrəvana səfər etmişdilər. Burada təəccüblü nəsə yoxdur. Bundan sonrakı mərhələlərdə bizim və erməni deputatların qarşılıqlı səfərləri baş tutacaq. Görüşlərdə tərəflər arasında müəyyən istiqamətlərdə fikir mübadilədi ediləcək”.

Qeyd edək ki, Ermənistanda keçiriləcək AVRONEST Parlament Assambleyasının komitə iclaslarında ölkəmizdən deputatlar Soltan Məmmədov və Tahir Mirkişili iştirak edəcək.