Qoyun ətindən fərqli olaraq, quzu ətinin qiyməti qalxıb.

Azia.Az xəbər verir ki, hazırda bazarda bir kiloqram quzu ətinin qiyməti 14 manatdır.

Satıcıların sözlərinə görə, qiymətlər bir aya yaxındır ki, qalxıb. Qiymət artımının səbəbinə gəldikdə, satıcılar deyirlər ki, başlıca səbəb bu aylarda yaşanan quzu qıtlığıdır. Tələb çox olduğundan bölgələrdə əmlik quzu tapmaq sözün müşkülə çevrilib.

Məsələ ilə bağlı Kənd Təsərrüfatı Nazirliyindən bildirilib ki, nazirlik ətin qiymətinin müəyyən edilməsində iştirak etmir.

O ki qaldı bölgələrdə yaşanan quzu qıtlığına, nazirlikdən qeyd edilib ki, bu, düzgün yanaşma deyil.

Qiymətin qalxmasına bayram günlərində quzu ətinə tələbin çox olması səbəb ola bilər.