azia.az
azia.az

Ermənistanda müharibə xofu: Mətbuat katibindən açıqlamalar

19-10-2016, 12:20

Ermənistanda müharibə xofu: Mətbuat katibindən açıqlamalar
“Aprel müharibəsi”ndən sonra Ermənistan hökuməti, erməni hərbi-siyasi dairələri çaşqınlıqlarını, əl-ayağa düşdüklərini nümayiş etdirdilər. Bu, əslində belə də olmalı idi, çünki Ermənistan cəbhədəki insident zamanı işğal etdiyi torpaqların bir qisminin əlindən çıxacağını gözləmirdi

Azərbaycan ordusunun strateji yüksəklikləri işğaldan azad etməsi, üstəgəl düşmən tərəfin verdiyi xeyli itki bu gün də Ermənistanı isteriya, təlaş içərisində saxlayır.

Modern.az saytının məlumatına görə, Ermənistan Müdafiə Nazirliyinin mətbuat katibi Artsrun Ovannisyan “Azadlıq” radiosunun erməni xidmətinə müsahibəsində Azərbaycanın yenidən müharibəyə başlayacağı barədə təlaşlı anons verib.

“Azərbaycan həmişə müharibəyə hazırlaşıb. Xüsusilə 2003-cü ildən sonra bu hazırlıq başqa mərhələyə qədəm qoydu. Bizdə məxfi və qeyri-məxfi məlumatlar var. Amma mən nə zaman və hansı formada müharibəyə hazırlıq görülməsi, onun müddəti haqqında bir şey açıqlamağı yanlış hesab edirəm”,-deyə o bildirib.
Ovannisyan qeyd edib ki, yaxın zamanlarda genişmiqyaslı müharibənin olacağını söyləmək olmaz.
O, Azərbaycanın arsenalında olan silahlardan da söz açıb. Mətbuat katibi etiraf edib ki, Azərbaycanda daha müasir silahlar var. Ovannisyan Ermənistana satılan “İsgəndər” raketlərindən də danışıb.

“Azərbaycan bəzi növ silahlarla daha çox təchiz edilib... İstənilən yeni hərbi texnika meydana çıxması ilə balansın müqayisəsini ortaya qoyur. “İsgəndər”i isə çox da müzakirə etmək lazım deyil. “İsgəndər” Ermənistanın arsenalında olan ən uzaqvuran silahlardan biridir. Bununla belə, Azərbaycan buna cavab verəcək silaha malikdir.

Belə fikirlər mövcuddur ki, biz “İsgəndər” hesabına qüdrətli olmuşuq. Amma mən bu fikrin əleyhinəyəm. Qüdrətli, yenilməzlik barədə söhbət belə, gedə bilməz”.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
«    May 2022    »
BeÇaÇCaCŞB
 1
2345678
9101112131415
16171819202122
23242526272829
3031 
MƏZƏNNƏ
 Valyuta məzənnəsi