Ukrayna Prezidenti Vladimir Zelenski Moskvanın nüvə zərbəsinə qarşı cəmiyyəti hazırlamağa başladığını bildirib.

Bildirilir ki, Zelenski bunu çox təhlükəli hal adlandıraraq Rusiyanı, həm də dünyanı nüvə müharibəsi ehtimalı ilə bağlı xəbərdar edib.

Ukrayna lideri bu cür narahatlıqları bölüşərək bildirib ki, bu, Qərb dövlətlərini Ukraynanı dəstəkləmək barədə iki dəfə düşünməyə vadar etmək üçün nəzərdə tutulmuş Rusiya təhdididir və bu barədə fatalist olmaq üçün heç bir əsas yoxdur. 

"Onlar bunu etməyə, ondan istifadə etməyə hazır deyillər" deyən Zelenski əlavə edib ki, Rusiyanın buna gedib-getməyəcəyini bilmir.

Zelenski bildirib ki, Rusiya martın əvvəlində ələ keçirdiyi Zaporojye AES-dəki hərəkətləri ilə artıq dünyanı təhdid edir.

Ukrayna prezidenti Zelenski müttəfiqlərini istənilən formada nüvə repressiyasının qarşısını almaq üçün Rusiyaya qarşı əlavə sanksiyalar tətbiq etməyə çağırıb: "Dünya rus ordusunun hərəkətlərini dərhal dayandıra bilər. Belə hallarda dünya sanksiyalar paketini həyata keçirə və onları atom elektrik stansiyasından çıxarmaq üçün hər şeyi edə bilər".