XİN rəhbəri Ukraynaya verdiyi dəstəyə görə ölümlə hədələndi
İtaliyanın xarici işlər naziri Luici Di Mayo Rusiyanın Ukraynaya qarşı müharibəsi ilə bağlı mövqeyinə görə sosial mediada ölümlə hədələnib. Xəbər verilir ki, polis Di Mayoya qarşı ölüm təhdidləri ilə bağlı iki nəfərin istintaqa cəlb edildiyini bildirib. Belə ki, təhdidlərlə əlaqədar olaraq Milan əyalətində 46 yaşlı və Sirakuza əyalətində 48 yaşlı kişinin evinə basqın edilib. Polis “tənha canavarlar” adlandırılan şəxslərin heç bir ekstremist qruplaşmaya aid olmadığını bildirib.