Pekin ABŞ-ı Çinin qanuni hüquq və maraqlarına zərər verməməyə çağırır.

Xəbər verilir ki, bu barədə ÇXR Xarici İşlər Nazirliyinin sözçüsü Çjao Litszyan ABŞ-ın Ukrayna böhranı ilə bağlı mövqeyinə görə Çinə qarşı sanksiyalar perspektivlərilə bağlı sualı cavablandırarkən deyib.

O, ABŞ-ın birtərəfli sanksiyaları olacağı təqdirdə Pekinin Çin şirkətlərinin hüquq və maraqlarını qətiyyətlə qoruyacağını vurğulayıb.

Diplomat əlavə edib ki, sanksiyalar heç vaxt problemlərin həlli üçün effektiv vasitə olmayıb.