Bakıda 11 may 2019-cu il tarixində “İstedadların və mükafatlandırma sisteminin idarə edilməsi” adlı konfrans baş tutacaq. Tədbir dünyada insan resurları üzrə konsultasiya şirkətlərinin reytinq cədvəlində 1-ci yerdə duran Mercer şirkəti və Azərbaycan İnsan Resursları Assosiasiyasının (AİRA) birgə əməkdaşlığı çərçivəsində keçiriləcək. Baku Boulvard Hotel-də olacaq konfransda dünyanın, eləcə də Azərbaycanın tanınmış özəl və dövlət sektorundakı insan resursları rəhbərləri, həmçinin dövlət rəsmiləri iştirak edəcək.
Konfrans Mercer şirkətinin təcrübəsinin və qlobal əmək bazarındakı tendensiyaların öyrənilməsinə, yeni çağırışların səsləndirilməsinə, həmçinin Azərbaycanda insan resurslarının idarə edilməsi sahəsinin daha da inkişafına yönəlmiş yeni bir səhifə açacaq.