Erməni bloqer Roman Baqdasaryan İkinci Qarabağ müharibəsi (44 günlük müharibə) ilə bağlı fikirlərini “YouTube” kanalında paylaşıb.

“Cebheinfo.az” xəbər verir ki, o,  44 günlük müharibə zamanı məskunlaşdıqları Qarabağı tərk edən  erməniləri sərt tənqid edib.

"İndi isə onlar sosial mediada oturub haradasa hürür və qışqırırlar", - deyə bloqçu bildirib.

"Siz nə mənim, nə də bütün normal ermənilərin qardaş-bacısı olacaqsınız. Bunlar çirkaba batmış qaniçənlərdir...",- deyə o bildirib.

"Təsəvvür edin, onminlərlə maşın, güclü qolları olan, qarabağlı kişilər qaçır. Xatırlatmaq istəyirəm ki, ermənilər bütün digər millətlər kimi Qarabağda da yaşayıblar. 

Nədənsə hər kəs öz evini müdafiə edib. Sən necə belə ola bilərsən? Zabit, müqaviləli əsgər, mülki şəxslərdən danışmıram belə, 30-35 il Qarabağda yaşayıb, Ermənistanın hesabına palto, hərbi forma, çəkmə geyinib, gündə üç dəfə yemək yeyib, maaş, mənzil alıb, amma sonda qaçıblar. Necə alçaqsınız!

Müharibənin ilk günlərində “Qarabağ Müdafiə Ordusu” ilə bağladığın müqaviləni necə unuda bilərsən, maşına minib arvadınla qaçıb yaralı əsgəri atıb gedə bilərsən?Bunu necə edə bilərsən? Sənədlərində göstərilən vəzifələrini yerinə yetirməyən bir zabit, müqaviləli əsgər və ya MTX əməkdaşı necə ola bilər? Müqaviləli əsgər və ya zabit olsun, sənəd imzalayıb torpaqlarını, əsgərlərini atıb İrəvana qaçan hər kəs alçaqdır.

Qorxaqsansa, döyüşçü deyilsənsə, niyə “Qarabağ Müdafiə Ordusu”na qoşuldun? Niyə? Pul qazanmaq üçün? Çətin anlarda bizə xəyanət etmək üçün? Məlum olur ki, belədir.

Deməli, müharibədən qorxursunuz? Çoxları qorxur və bu normaldır.

Atmaqdan, döyüşməkdən qorxursunuz? Döyüşlər zamanı Qarabağı müdafiə edə bilmirsinizsə, niyə forma geyinib maaş alırsınız? Niyə orduya qoşuldunuz? Çünki bizi 35 il aldatdınız. Qızınızı, oğlunuzu doyurmaq üçün hərbi forma geyindiniz və Ermənistanın büdcəsini talandınız", - deyə Roman Baqdasaryan deyib.

"Deməli, bizdə qarınlarını, kök qarınlarını ordudan gələn yeməklə doldurmaq, yemək oğurlamaq, silah oğurlamaq üçün zabit olan qorxaq çaqqallar var idi. Və bu, böyük problemdir!",- bloqçu deyib.

O deyib ki, separatçıların “ordu”su ordu ilə heç bir əlaqəsi olmayan və müharibənin ilk günlərində qaçan qorxaq kişilərlə dolu olub:

“İndi bu "kişilərin" Paşinyana qışqırdığını çox eşidirik. Bəs əgər Qarabağda yaşayan, Martuninin Hadrut, Martakert sakini əzbər bildiyi kəndini müdafiə etmək istəmirsə, onda Ermənistan hökumətinin bununla nə əlaqəsi var?!" - deyə Baqdasaryan bildirib.

Xəzər