Azia.az xəbər verilir ki, almaniyadan olan tədqiqatçılar belə qənaətə gəliblər. 

Alimlər doğumdan 18 yaşa qədər olan 280 nəfərin qan nümunələrini analiz ediblər. Onlar iki parametri qiymətləndiriblər: rDNT nüsxələrinin sayı və onların metilasiya səviyyəsi - gen aktivliyini "söndürən" kimyəvi marker. Məlum olub ki, uşaq və yeniyetmələrdə aktiv (metilləşməmiş) nüsxələrin sayı azalmır, əksinə, bir qədər də artır. Bu o deməkdir ki, hüceyrələr yeniyetməlik dövründə rDNT funksiyasını "gənc" vəziyyətdə saxlayırlar.

Yetkinlərdə əks proses müşahidə olunur: yaşla aktiv nüsxələrin sayı azalır, metilasiya səviyyəsi isə yüksəlir. Alimlərin fikrincə, bu cür dəyişikliklər hüceyrə qocalmasının etibarlı biomarkeri rolunu oynayır.

"Bizim məlumatlarımız göstərir ki, gənclərin toxumalarında aktiv rDNT-nin vəziyyəti molekulyar səviyyədə saxlanılır. Bu, hüceyrə gəncliyinin qorunmasının təbii mexanizminin bir hissəsi ola bilər", - müəlliflər qeyd edirlər.

Tədqiqat həmçinin göstərdi ki, rDNT dəyişiklikləri uşaqlarda inkişaf geriliyi ilə əlaqəli deyil və buna görə də erkən patologiyalara səbəb olmur.