Avqustun 18-də Pekində açılan 7-ci Ümumdünya Robot Konfransının qonaqları və iştirakçıları qarşısında yüz robot it rəqs edib.

Yağışa baxmayaraq, sərgi mərkəzinin qarşısındakı meydançada baş tutan “it şousu” çoxlu tamaşaçı, xüsusən də uşaqları ətrafına toplayıb.

Robotlar sinxron hərəkətlərlə yanaşı, müxtəlif həndəsi forma və naxışlarda düzülərək səhnədə hərəkət edib. Hər it 2022-ci ilin simvolu olan pələng şəklində kiçik bir oyuncaq ilə bəzədilib.

Robotlar Çinin “Unitree” şirkəti tərəfindən hazırlanıb. Rəqs şousunda məhsul xəttinin ən kiçiyi olan “Go1” modelinin itləri iştirak edib. Robotun çəkisi 10 kq-a çatır. Onun batareyasının işləmə müddəti təxminən 1,5 saat, dəyəri isə təxminən 2,7 min dollardır.

Qeyd edək ki, konfrans avqustun 21-dək cavam edəcək.