Əmisini dırmıqla öldürməkdə təqsirləndirilən Bahadur İsmayılovun cinayət işi üzrə ibtidai istintaqı yekunlaşıb.



Məlumata görə, topalanan iş baxılması üçün Bakı Ağır Cinayətlər Məhkəməsinə göndərilib.



Cinayət işi Azad Məcidovun sədrliyi ilə araşdırılacaq.



Məhkəmənin hazırlıq iclası hələlik açıqlanmayıb.



Qeyd: Bu il aprelin 20-də Laçın rayon sakini Bahadur İsmayılov Ağcabədi rayonunun Taxta Körpü qəsəbəsində yaşadığı evin həyətində münaqişə zəminində əmisi Əşrəf İsmayılovun baş nahiyəsinə dırmıq ilə xəsarət yetirib.



Xəstəxanaya yerləşdirilən Ə.İsmayılov aprelin 26-da ölüb.



Laçın Rayon Polis Şöbəsi əməkdaşlarının keçirdikləri əməliyyat tədbiri nəticəsində ölümlə nəticələnən qəsdən sağlamlığa ağır zərər vurmada şübhəli bilinən B.İsmayılov tutularaq istintaqa təhvil verilib.



Faktla əlaqədar Cinayət Məcəlləsinin 126.3-cü (Qəsdən sağlamlığa ağır zərər vurma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb.