Rusiyalı oliqarxın 530 milyon avroluq yaxtası müsadirə olundu
İtaliyanın maliyyə polisi rusiyalı milyarder-oliqarx Aleksandr Melniçenkonun yaxtasını müsadirə edib. virtualaz.org İtaliyanın "İl Messagerro" nəşrinə istinadən xəbər verir ki, oliqarxın yaxtası Qərbin Rusiyaya qarşı tətbiq etdiyi sanksiyalar çərçivəsində Triest limanında müsadirə olunub.
"Sy A" adlı lüks yaxtanın dəyəri 530 milyon avrodur və o dünyanın ən iri yelkənli yaxtasıdır. Melniçenko prezident Putinə yaxın oliqarxlardan biridir. Xatırladaq ki, bundan əvvəl İtaliyada Əlişir Usmanov da daxil olmaqla daha bir neçə rusiyalı milyarderlərin yaxtası müsadirə olunmuşdu.