Fevarlın 9-da keçirilən növbədənkənar parlament seçkiləri öncəsi namizədlərin çoxluğu seçkinin tam demokratik keçiriləcəyi təəsüratını yaratsada, bəzi rayon icra hakimiyyəti başçılarının və DSK sədrlərinn yersiz canfəşanlığı nəticəsində bu istək sadəcə xəyala çevrildi. Xatırladaq ki, məhz parlament seçklərinin keçirilməsi üçün Azərbaycan dövləti on milyon manatlarla vəsait xərclədi. Lakin göründüyü kimi bəzi əyalət rəhbərləri öz drijor çubuqları ilə hərəkət etdirdikləri DSK sədrləri vasitəsilə həmin vəsaiti havaya sovurdular. Əslində ölkənin ali siyasi iradəsi, konkret cənab İlham Əliyev həmin şəxslərdən məhz hüquq-mühafizə orqanlarının vasitəsilə hesab sormalıdır.

Belə rayonlardan biri də İmişli rayonudur. 79 saylı İmişli DSK-nın “alverçi” ləqəbli sədri, sabiq polis rəisi Təyyar Nəsirovun oğlu, İmişli Lokomotiv Deposunun baş mühasibi Rasətin kürəkəni Ramil Nəsirovun “fərasəti” nəticəsində bu bölgədə də ciddi qanun pozuntuları ilə müşayət edilən seçki keçirildi.

Çoxsaylı şikayətlərin nəticəsi olaraq MSK həmin müraciətlərin araşdırılması üçün prosedur qaydasına uyğun olaraq DSK-nı görəvləndirdi. Diqqətli oxucuların nəzərinə onu çatdıraq ki, bu bölgədən olan namizədlər seçki saxtakarlığında birbaşa rayon İcra Hakimiyyətnin başçısı Vilyam Hacıyevi ittiham edirlər. Ötən gün İmişlidəki mənbədən Conflict.az-a daxil olan məlumatda qeyd edilir ki, Vilyam Hacıyev adının çəkilməsindən kifayət qədər narahatdır. Məlumatda o da qeyd edilir ki, cənab Hacıyev adının çəkilməməsi üçün namizədlərə şəxsən telefon açaraq xahişlər edir. Redaksiyada həmin şəxslərin kimliyi ilə bağlı məlumatlar var. Onu da qeyd edək ki, Vilyam Hacıyevin narahatlığı əsassız deyil. Çünki 79 saylı İmişli DSK-nın sədri Ramil Nəsirov bəzi namizədlərlə “siyasi alveri” “NƏRGİZİM” ŞADLIQ SARAYINA MƏXSUS RESTORANDA məhz İmişli rayon İcra Hakimiyyətinin başçısı Vilyam Hacıyevin adından istifadə etməklə edirdi.
Mövzuya qayıdacağıq.
Redaksiya məlumatda adı çəkilən qurum və ya şəxslərində cavab haqlarını tanıyır, dərc etməyə hazırdır.

Conflict.az