Artıq Ermənistanda 16 noyabr qarşıdurması ilə bağlı ciddi narahatlıqlar yaşanır. Ölkə əhalisi təşviş içindədir. 44 günlük müharibədən sonra bu qədər itki ilə erməni cəmiyyəti şoka düşdü.

Azia.az KONKRET.az-a istinadən xəbər verir ki, erməni beyin mərkəzləri, siyasi və hərbi ekspertlərin hazırladığı analitik şərhlərdə ölkənin qaranlıq gələcəyi haqqında geniş danışmağa başlayıblar. Ancaq öz ağıllarınca cəmiyyətə köhnəlmiş ideologiyalarını sırımaqla vəziyyətdən çıxış yollarını da göstərmək istəyirlər.

İctimai-siyasi xadim Avetik Çalabyan da özünün facebook səhifəsində öz auditoriyasına cəmiyyətə öz zəhərini axıtmaqla fikirlərini belə izah edib. Həmin məqaləni təqdim edirik:

“Son bir neçə gündə baş verən hadisələr, xüsusən də Sisiyanın şərqində 16 noyabrda şiddətli döyüşlər Artsaxdakı (Qarabağdakı) qanlı müharibədən bir il sonra, nəhayət, bizim ölkə daxilində nisbi sülhün bərqərar olacağına ümid edən cəmiyyətimiz üçün soyuq duş oldu.

Uzun müddət ərzində baş verənlərin əsas səbəblərini təhlil etmək mümkündür, lakin ümumilikdə bu, son bir il ərzində əhəmiyyətli dərəcədə dəyişməmiş bir neçə sadə faktora gətirib çıxarır:

a) Türkiyə və Azərbaycan Artsax müharibəsində gözlənilmədən böyük uğur qazanaraq onu nəyin bahasına olursa-olsun inkişaf etdirməyə, depressiyaya düşmüş və zəifləmiş Ermənistandan mümkün qədər güzəştlər qoparmağa çalışır;

b) Ermənistanın əsas strateji tərəfdaşı olan Rusiya eyni zamanda Türkiyə və Azərbaycanın tərəfdaşıdır.

c) İran istisna olmaqla, digər dövlətlər Ermənistan-Türkiyə münaqişəsində birbaşa iştirak etməyə hazır deyillər;

d) Artsax (Qarabağ) müharibəsində uğursuzluğa düçar olan Ermənistanın indiki hökuməti öz hərəkətləri və yaxud hərəkətsizliyi ilə Sünikin (Zəngəzurun) müdafiəsində uğursuzluğa düçar olmaqda davam edir, onu düşmən qarşısında daha həssas edir.

Bütün bunların nəticəsində son bir neçə ayda düşmən sakitcə içərilərə doğru irəliləyib, indiki Ermənistan hökumətinin davamlı tolerantlığı səbəbindən Sünikdə təhlükəsizlik vəziyyəti kəskin şəkildə pisləşib. Zoddan Meğriyə qədər olan təmas xəttinin faktiki olaraq müdafiəsiz olduğu şəraitdə hökumət cəbhə xəttində istehkamlar tikmək, hərbi hissələri gücləndirmək, ordunun əhval-ruhiyyəsini bərpa etmək əvəzinə, İrəvanın mərkəzində it parkı tikməklə məşğuldur.

Təsadüfi deyil ki, bizdən fərqli olaraq yeni müharibəyə hazırlaşmaqla, hərbi təlimlər, istehkamlar keçirməklə məşğul olan, ermənilərə qarşı açıq-aşkar nifrət təbliğatı ilə məşğul olan düşmən bu dövrdə mütəmadi olaraq bütün mümkün məqamlarda irəliləmək fürsətindən istifadə edir. Azərbaycanın əsas məqsədi mövqeləri gücləndirmək və bizi sonda tamamilə qəbuledilməz güzəştlərə getməyə məcbur etməkdir.

Bütün bunların fonunda 16 noyabr hərbi əməliyyatları hamı üçün gözlənilməz sürpriz oldu. Sərbəst irəliləyişin, qan tökmədən erməni mövqelərini tutmağın mümkün olduğuna öyrəşmiş kimi görünən düşmən Tsitsernakar bölməsində ordumuzun inadkar müqaviməti ilə üzləşib, ağır itkilər verib, nəticədə silahlı qüvvələrimiz onların ikinci xətt üzrə hücumunu dayandıra bilib. İtkilərimizin əhəmiyyətli olub-olmamasından asılı olmayaraq, bu qanlı hadisə sadə uğursuzluq gətirir: düşmənin ekspansiyasını ancaq güc yolu ilə vahid erməni yumruğu ilə qarşı qoymaqla dayandırmaq olar.

Bu gün hər zamankından daha çox dərk etməliyik ki, indiki hakimiyyətin “sülh” təbliğatı, düşmənə adi münasibəti davamlı itkilərə səbəb olacaq, bütün ölkəmizi itirənə qədər, buna getməli olacağıq. Yenə türk boyunduruğu altında yaşamağa başlayacağıq. Əgər biz həqiqi, ləyaqətli sülhə nail olmaq istəyiriksə, onun haqqını qaytarmalı, bizə hörmətini bərpa etməliyik. Düşmən yenə erməni gücündən qorxmalıdır.

Biz məğlubiyyət komasından qurtulmalıyıq, Vətənimizin müdafiəsi ilə ciddi məşğul olmağa borcluyuq. Müdafiə xəttimizi gücləndirməli, yeni silahlar almalı, hərbi potensialımızı, döyüş ruhumuzu gücləndirməliyik. Bu günümüzün tələbidir. Yenə bir yumruq olsaq, təbii haqqımız – vətənimiz, torpağımız, suyumuz, azadlığımız uğrunda birgə mübarizə aparsaq, düşmən də, müttəfiq də bunu nəzərə almalı olacaq, başqa heç kim bizimlə uduzmuş kimi danışa bilməz

Hər biriniz özünüzə sual verməlisiniz ki, şəxsən siz nə edirsiniz ki, biz bu acınacaqlı vəziyyətdən çıxaq, torpağımıza, suyumuza, müqəddəs vətənimizə layiq ola bilək?. Ləyaqətli sülhə nail olmaq istəyiriksə, onun haqqını geri almalıyıq”.