Binəqədi rayonu III mədən 125-ci korpus, ev 10-da yaşayan Mirmövsümov Günel Arif qızı tərəfindən redaksiyamıza Medica Hospitalında ümumi cərrahı Mehriban Məlikovadan şikayət məktubu daxil olub. Şikayətçi Mirmövsümov Günel Arif qızının şikayət məktubunu olduğu kimi oxucuların nəzərinə çatdırırıq:

“Mən Mirmövsümov Günel Arif qızı 08.06.2019-cu il tarixində Medica Hospital klinikasında abdominaplastika və qolgərmə əməliyyatı keçirmişəm. Əməliyyat Medica Hospitalında ümumi cərrah Mehriban Məlikova tərəfindən edilib.

Abdominaplastika və qolgərmə əməliyyatı edilən günün səhəri klinikanın ümumi cərrahı Mehriban Məlikovaya təklif etdim ki, bir neçə gün ağır vəziyyətdən çıxana kimi klinikada qalım.

Lakin Mehriban Məlikova təklifimə baxmayaraq, klinikada qalmağıma bir əsas olmadığını, evə getməyimi dedi. Evə gedən gündən 12 gün qızdırmam oldu və qızdırma içində hər gün klinikanın cərrahı Mehriban Məlikovaya vəziyyətimi whatsappla yazırdım, əməliyyatdan sonra səhətimdə pisləşmə olduğundan bir neçə dəfə qəbulunda da olurdum.

Eştdiyim söz yalnız bu idi ki, ət ye, bol-bol su iç. Hətta ümumi cərrah Mehriban Məlikovaya halım, vəziyyətimin yaxşı olmadığını, mənə vitaminlər yazmasını desəmdə ancaq cavabı bunlara ehtiyac yoxdur deyirdi. Mehriban Məlikova mənə gah deyirdi karseti bərk bağla, qarnına su gələr, gah da deyirdi niyə bərk bağlamısan, tikişin yeri qaralıb.

Əməliyyatımın 6-cı günü drenajı çıxartmaq istədi. Təklif etdim ki, hələ çıxarmayın, möhtəviyyat gəlir. Dedi, mənə ağıl öyrətmə və çıxart. 12-ci günün tamamında güclü qızdırmadan sonra səhər durdum ki, qarnımın tikişlərindən və qollarımdan çirk gəlir.

Həkimə dərhal video şəklində atdım, cavabında eybi yox, olur belə şeylər dedi. Təcili yardım gəlib və qolumdan çirk gəldiyini, tikişlərin aralandığını dedi. Həkimə zəng etdik, eşitdiyim cavab bu oldu ki, əllərini mənim xəstəmə vurmasın. Qeyd edim ki, həkim Mehriban Məlikova ilə olan bütün yazışmalar, video görüntülər və şəkillər var.

Bundan başqa, mənim razılığımı almadan instagram səhifəsində məni əməliyyat edən vaxtı canlı yayım açaraq video əməliyyatı izləyiciləri ilə bölüşüb.

Daha sonra həkim, ümumi cərrahı Mehriban Məlikovaya ağır vəziyyətdə məndən yaradan pis qoxu gəldiyini yazdım, şəklini ona atdım, yenə mənə ət ye yazdı. Səhəri gün getdim klinikaya, həkim artıq özünün dediyinə görə Gürcüstan, Türkiyə, gah da eşitdim Almaniyadadır. Tibb bacısı müdavilə edib, evə yola salsa da, qoxu daha da kəskinləşdi. Həkimə yazdım, bu barədə yazdı ki, klinikaya müraciət edim, mənə kömək edəcəklər.

Qeyd edim ki, klinikaya ağır vəziyyətdə qarın tikişlərim açılmış vəziyyətdə, qol tikişlərim açılmış vəziyyətdə getmişəm. Qol tikişimin yenidən tikilməyini təklif etsəm də, ehtiyac olmadığını, bitişəcəyini, çoxlu ət, balıq, toyuq və bol-bol su içməyim deyilib. Bir də toz şəklində dərmanın tökülməsi məsləhət verildi.

Son nəticə onu yazmaq istəyirəm ki, Medica Hospitalın baş həkimi Abbasət doktor olmasaydı, mənim nekrozlaşmış yaramı bərpa etməsəydi, artıq həyatda yox idim. Qeyd edim ki, mən bu vəziyyətdə olan onun yeganə xəstəsi deyiləm. Əməliyyatımın 2 ayı bitməyinə az bir vaxt qalsa da, mən hələ də açıq yara ilə gəzirəm, qollarımın tikişləri hələ də bitişməyib, çox kobud çapıqları qalıb. Səhhətim yerinə deyil. Azyaşlı övladım var, ona baxmağa səhhətim imkan vermir.

Sonda mənə dəymiş maddi ziyanın (əməliyyat vaxtı M.Melikovaya 2100 (iki min yüz) AZN və sonrakı müalicələrim üçün çəkdiyim 1500 (bir min beş yüz) AZN) və mənəvi ziyanın ödənilməsi üçün köməklik edəsiniz.”

Məsələ ilə bağlı Medica Hospital klinikasında ümumi cərrahı Mehriban Məlikova ilə telefon əlaqəsi yaradıq. Həkim Mehriban Məlikova bizə Türkiyədə Cərrah Paşa Hospitalında əməliyyatda olduğunu və sentiyabr ayında Bakıya qayıdacagını bildirdi.

Şikayətçi ilə bağlı sualımıza cavabı isə bu oldu ki, “Siz həkim deyilsiniz, xəstəni də göndərin klinikaya ordakı həkimlər ona kömək edəcək.”

Biz xəstənin Sizə verdiyi pulu tələb edir və Sizdən şikayəçi olduğunu bildirdik də, Mehriban Məlikova bizə “Siz hüquq mühafizə orqanı deyilsiniz", xəstəni də göndərin klinikaya ordakı həkimlər ona kömək edəcək.”

Biz xəstənin Sizə verdiyi pulu tələb edir və Sizdən şikayəçi olduğunu bildirdik də, Mehriban Məlikova bizə “Siz hüquq mühafizə orqanı deyilsiniz, ona görə bu iş sizlik deyil” deyib, telefonu söndürdü. (millətinsəsi.info)