azia.az
azia.az

Qeyri-neft məhsullarının ixracı: Azərbaycan, Ermənistan və Gürcüstanda - Fərq 5 dəfədən çoxdur...

1-12-2022, 14:25


Bu ilin ilk 9 ayı ərzində Azərbaycandan xarici ölkələrə 2 milyard 116,8 milyon dollar dəyərində qeyri-neft məhsulları ixrac olunub. 

Yeniavaz.com xəbər verir ki, bu barədə məlumatı Dövlət Gömrük Komitəsi açıqlayıb.

Dövlət Statistika Komitəsinin açıqladığı məlumatda isə göstərilir ki, bu ilin oktyabr ayının 1-ə Azərbaycan əhalisinin sayı 10 milyon 204,8 min nəfər olub.

Qeyri-neft məhsulları üzrə ixrac göstəricisini (2 milyard 116,8 milyon dollar) əhalinin sayına (10 milyon 204,8 min nəfər) böldüyümüz zaman məlum olur ki, Azərbaycanda adambaşına düşən qeyri-neft məhsulları ixracı 207,4 dollar olub.

Maraqlıdır ki, xarici ölkələrə neft-qaz məhsulları ixrac etməyən qonşu Gürcüstan və Ermənistanda adambaşına düşən ixracın həcmi Azərbaycanla müqayisədə dəfələrlə çoxdur.

Gürcüstan Milli Statistika İdarəsinin açıqladığı məlumata görə, bu ili ilk 9 ayında xaricə 3 milyard 97,2 milyon dollar dəyərində məhsul (qeyri neft-qaz) ixrac olunub. Gürcüstan əhalisinin 3 milyon 688,6 min nəfər olduğunu nəzərə alsaq, bu ölkədə adambaşına düşən qeyri-neft məhsulları ixracı 1 110,8 dollar olur. Rəqəmlərdən də göründüyü kimi Gürcüstanla müqayisədə Azərbaycanda adambaşına düşən qeyri-neft məhsulları ixracı 5,4 dəfə az olub.

Ermənistan Statistika Komitəsinin məlumatına görə bu ölkədə 2 milyon 966 min nəfər yaşayır. Bu ilin ilk 9 ayında isə Ermənistanda qeyri-neft məhsullarının ixracı 3 milyard 509,4 milyon dollar olub. Bu isə o deməkdir ki, Ermənistanda adambaşına düşən qeyri-neft məhsulları ixracı 1 183,2 dollar olub və Azərbaycanla müqayisədə Ermənistanda adambaşına düşən qeyri-neft məhsulları ixracı 5,7 dəfə çox olub.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
MƏZƏNNƏ
 Valyuta məzənnəsi