İspaniyanın "Real Madrid" komandası baş məşqçi postuna qayıdan Zinəddin Zidanın rəhbərliyi altında ilk matçında qələbə qazanıb. "Report"un məlumatına görə, "kral klubu" La Liqasının XXVIII turunda "Santyaqo Bernabeu"da "Selta" ilə keçirdiyi görüşdə inamlı qələbə qazanıb - 2:0. İlk topu 62-ci dəqiqədə Kərim Benzemanın ötürməsindən sonra İsko vurub. 77-ci dəqiqədə isə Qaret Beyl Marselonun ötürməsini qola çevirib. Bu qələbə sayəsində xallarını 54-ə çatdıran "Real Madrid" 3-cü pillədə yer alıb. 25 xala malik "Selta" isə 18-cidir. Qeyd edək ki, Zinəddin Zidan "kral klubu"nun sükanı arxasına martın 11-də qayıdıb. Fransalı mütəxəssis 2016 - 2018-ci illərdə də bu komandaya rəhbərlik edib.