Samuxda sürücünün yaralanması ilə nəticələnən yol-nəqliyyat qəzası baş verib. Hadisə Gəncə-Samux avtomobil yolunun Samux rayonu ərazisindən keçən hissəsində qeydə alınıb. “VAZ 2106” ilə “KamAZ” markalı avtomobilin toqquşması nəticəsində, “VAZ”-ın sürücüsü, Samux rayonu Qaraarx kənd sakini, 1987-ci il təvəllüdlü Aydın Xəlilov müxtəlif bədən xəsarətləri alaraq, Gəncə şəhər Təcili Tibbi Yardım xəstəxanasına yerləşdirilib.
Faktla bağlı Samux rayon Polis Şöbəsində araşdırma aparılır.