Viktor Orban: "Rusiya ilə hava müharibəsinə səbəb ola biləcək təkliflərə "yox" deməliyik"
"Rusiya ilə hava müharibəsinə səbəb ola biləcək təkliflərə "yox" deməliyik".

"Report" MTI xəbər agentliyinə istinadən xəbər verir ki, bu barədə Macarıstanın Baş naziri Viktor Orban bildirib.

Orban Ukrayna üzərində uçuşa qadağa zonasının tətbiqinə, eləcə də ora öldürücü silahların göndərilməsinə qarşı ölkəsinin mövqeyini bir daha təsdiqləyib.

Macarıstanın Baş naziri Avropa ölkələrini Ukraynada hərbi münaqişəyə cəlb edə biləcək təhlükəli qərarların qəbulunun qarşısını almağa çağırıb.

Hökumət başçısı deyib ki, ölkəsinin bu mövqeyini martın 24-25-də keçiriləcək Avropa İttifaqı və NATO sammitlərində müdafiə etmək niyyətindədir.