Azia.az: Ermənistan MN-nin rəsmisindən inanılmaz etiraflar: “Əsgər valideynlərindən üzr istəyirik bu, tamamilə fərqli müharibədir, bu, sadəcə dəhşətdir"

Ermənistan Müdafiə Nazirliyinin rəsmi nümayəndəsi Artsrun Hovannisyan açıqlama verib.

Açıqlama Errmənistan mediasında yayılıb.

Musavat.com həmin açıqlamanın bir hissəsini təqdim edir:

"Bu, dəhşətli müharibədir, aprel deyil, bağışlayın. Cəsədlərin toplanması, itkin düşənlərin siyahısının hazırlanması üçün böyük qrup fəaliyyət göstərir. Cəbhədə şiddətli döyüşlər gedir. Bu, cəsədlərin axtarılmasını çətinləşdirir. Digər tərəfdən, komandirlər də ölənlərlə bağlı statistikanı apara və vaxtında bizə məlumat verə bilmirlər. Ölənlərin siyahısını əlimizdə olan meyitlərə əsasən açıqlayırıq. Düzgün başa düşün: bu, tamamilə fərqli müharibədir, bu, sadəcə dəhşətdir - nə birinci müharibəyə, nə də Aprel savaşına bənzəyir. Biz əsgər valideynlərindən üzr istəyirik".