İranın paytaxtı Tehranda ABŞ Prezidenti Donald Trampa qarşı sərt təhdid mesajı əks olunan böyük afişa nümayiş etdirilib. Afişa şəhərin mərkəzi məkanlarından biri olan İnqilab meydanında yerləşdirilib.

Xəbər verilir ki, afişada Donald Tramp dəmir barmaqlıqlar arxasında təsvir olunub.

Afişaların nümayiş olunduğu ərazidə təxminən 500 nəfərin iştirakı ilə etiraz aksiyası keçirilib. Nümayişçilər İran və Hizbullah bayraqları qaldıraraq ABŞ və İsrail əleyhinə şüarlar səsləndiriblər. Bəzi iştirakçılar Trampın təsvir olunduğu plakatları ayaqları altına alaraq üzərindən keçiblər.

Diqqət çəkən məqamlardan biri də aksiyada iştirak edən bəzi şəxslərin kəfən geyinməsi olub. Tehranın mərkəzində baş tutan nümayişdəki görüntülər ABŞ və İsrailə qarşı sərt siyasi mesaj kimi qiymətləndirilir. İradə Elsevər