Müştəri isə haqlı olaraq bildirib ki, o, bank binasında və kassadadır, rəsmi qaydada növbə götürüb və qalan pul məhz kassa vasitəsilə verilməlidir. Vəziyyətin gərginləşdiyini görən bankın digər məsul şəxsləri də məsələni yerində həll etməyə çalışıb, kassirə müştərinin qalıq vəsaitinin ödənilməsi barədə göstəriş veriblər. Lakin kassir şəxsi eqosundan və sərt mövqeyindən geri çəkilməyərək rəhbərliyin və əməkdaşların tələbini də açıq şəkildə boykot edib, vətəndaşı yenidən növbə götürmək üçün məlumat şöbəsinə göndərib.

Məlumat şöbəsinə yaxınlaşan müştəriyə isə sistem tərəfindən iş vaxtının başa çatdığı əsas gətirilərək yenidən növbə verilməyib. Filial rəsmilərinin təkrar müdaxiləsinə baxmayaraq, kassa işçisi özbaşınalığını davam etdirərək vəsaitin qalan hissəsini verməkdən imtina edib. Şikayətçilər qeyd edirlər ki, bu cür hallar təkrar olunur və bank işçilərinin müştəriləri bu şəkildə hədər yerə süründürməsi, əsəbləri ilə oynaması qəbuledilməzdir.

Ölkənin aparıcı maliyyə qurumlarından biri olan Azərbaycan Beynəlxalq Bankının adını daşıyan filialda baş verən bu cür xoşagəlməz hallar haqlı olaraq sərt tənqidlərə səbəb olur. Müştərilər haqlı olaraq sual edirlər: nə üçün premium xidmətlərdən yararlanan və bankın xidmətlərinə güvənən vətəndaşlar kassa işçilərinin şəxsi əhval-ruhiyyəsinin və eqosunun qurbanı olmalıdırlar?

Baş verənlər fonunda ölkənin əsas maliyə tənzimləyicisi olan Azərbaycan Respublikasının Mərkəzi Bankı da bu kimi neqativ hallara ciddi şəkildə nəzarət etməlidir. Vətəndaşların hüquqlarını pozan, xidmət mədəniyyətindən uzaq olan və bank sektorunun nüfuruna kölgə salan belə əməkdaşlara və strukturlara qarşı Mərkəzi Bank tərəfindən təcili və təsirli tədbirlər görülməlidir. Müştəri məmnuniyyətini bəyan edən bir bankın filiallarında yaşanan bu cür bürokratik əngəllər və kobudluq kəskin şəkildə aradan qaldırılmalıdır.

Tunar