Bəylər Eyyubovun həyatı və karyerası, Azərbaycan Respublikasının təhlükəsizlik sektorunda peşəkarlıq, fədakarlıq və vətənpərvərliyin təcəssümü kimi qiymətləndirilir. Uzun müddətdir ki, Azərbaycan Respublikasının Prezidentinin Təhlükəsizlik Xidmətinin rəhbəri  kimi çalışmış  Bəylər Eyyubov hazırda  Prezident Katibliyinin rəisi vəzifəsini tutur.

Oxu24.com xəbər verir ki,Bəylər Eyyubovun Ulu Öndər Heydər Əliyevlə  birgə arxiv fotosu yayılıb.

Fotonun B.Eyyubovun  Ulu Öndərin səfərləri  zamanı çəkildiyi ehtimal olunur.

Yayılan  səmimi görüntülər  sosial şəbəkə istifadəçiləri tərəfindən rəğbətlə qarşılanıb.

Qeyd edək ki, Bəylər Eyyubov 1951-ci ildə anadan olub. O, uşaqlıqdan dövlətə və xalqa xidmət etmək arzusu ilə böyüyüb. Bu arzusu onu hüquq-mühafizə və təhlükəsizlik sahəsində karyera qurmağa sövq etdi. Bəylər Eyyubov, Azərbaycan Dövlət Universitetində hüquq təhsili alaraq, təhlükəsizlik sektorunda karyerasına güclü bir baza ilə başladı. O, həmçinin xarici ölkələrdə xüsusi hazırlıq kurslarında iştirak edib, bu da onun peşəkar bacarıqlarını və biliklərini daha da təkmilləşdirib.

Miri Məcidli