Bəzi məşhur gözəllik məhsullarının pul israfı olduğu və gözlənilən nəticəni vermədiyi bildirilir.


Xəbər verilir ki, gözəllik rutinində tez-tez yer alan bu məhsullar, əslində qısa müddətli təsir göstərir və uzunmüddətli fayda təmin etmir.

Selülit kremləri: Selüliti aradan qaldırdığı iddia edilən bu kremlər, yalnız müvəqqəti effekt yaradır.

Qırıq saç serumları: Saçdakı qırığı “bərpa etdiyi” deyilən serumlar qırığı yox edə bilmir, yalnız saçın səthini hamarlaşdırır.

Kollagen kremləri: Kollagen molekulları böyük olduğundan dərinin dərin qatlarına keçə bilmir. Buna görə bu kremlər dəridə kollagen artımına səbəb olmur.

Üz təmizləmə cihazları: Mütəxəssislərə görə, bu cihazlara ehtiyac yoxdur. Düzgün seçilmiş təmizləyici ilə əl ilə yuma kifayətdir.

Gözaltı kremləri: Gözaltı şişlik və qaralmanı azaltsa da, bu təsir müvəqqətidir.

Makiyaj salfetləri: Rahat istifadə olunsa da, dərini tam təmizləmir və uzun müddətli istifadədə dəri problemlərinə yol aça bilər.

Kağız maskalar: Dərini yalnız qısa müddətə nəmləndirir, qalıcı təsir göstərmir.

Mütəxəssislər xəbərdarlıq edirlər ki, bu tip məhsulların əvəzinə elmi olaraq təsdiqlənmiş və dəri tipinə uyğun vasitələrdən istifadə etmək daha məqsədəuyğundur.


Əminə Bayramova