Məlum olduğu kimi "Azneft" İstehsalat Birliyinin Baş direktoru cənab Şahmar Hüseynov müavinləri ilə birlikdə 12-13 may tarixlərində Neft Daşlarında səfərdə olub. Neftçilərin sahə üzrə məsul şəxslər yeməkxanada neftçilərlə birlikdə nahar etmiş, yeməyin çeşidləri ilə də maraqlanıblar. Xatırladaq ki, bir neçə gün əvvəl neftçilərə verilən qida rasionuna mübhəm əllərin müdaxiləsi haqda məlumatları təqdim etmişdik. Görünür, yazdıqlarımız ünvanına çatıb.

Amma yenə də ortada böyük bir ƏMMA VAR...

Bu barədə DİA.AZ-a məlumat verən neftçilər bildirir ki, Şahmar Hüseynovun səfəri qabaqcadan yerli rəhbərliyə xəbər verildiyindən bu səfərə tədarük görülübmüş: "Yəni hazırlaçdıqlarından Şahmar müəllim tənqid olunası bir fakta da rast gəlmədi. Sıravi neftçilərdən də kimsə cəsarət edib gələn rəhbərliyə problemləri deyə bilmədi. Çünki hər kəs qorxur ki, işini itirə bilər. Yaxşı olardı ki, "Azneft" rəhbərliyi qəfil gəlsin və onda reallığı görə biləcək".

Qeyd edək ki, hər hansı vəzifəli şəxs otağından çıxmağa hazırlaşanda gedəcəyi obyekt haqqında maraqlı şəxslərə xəbər verilir. Adətən Komissiyalar ərazini tərk edənə qədər ideal görüntülər yaradılır. Görünəni odur ki, vəzifəli şəxslərin də Neft Daşlarına səfəri haqqında müvafiq şəxslər "qaraçı poçtu" vasitəsisilə xəbərdar olunublar. Ona görə də Şahmar müəllimin bir qəfil səfərinə bərk ehtiyac var.

Məsələ diqqətimizdədir. Əlaqədar şəxslərin də mövqeyini dinləməyə hazırıq...

Mənbə:My Webpage