Təzyiq göstəriciləri qidalanma vərdişlərimizlə sıx əlaqəlidir. Bəzi qida məhsullarının müntəzəm istehlakı təzyiqin yüksəlməsinə və gələcəkdə hipertoniya xəstəliyinin inkişafına şərait yaradır.

Azia.az Saglamolun.az-a istinadən bildirir ki, belə məhsulların qəbulunu minimuma çatdırmaq, bəzilərindən isə tam imtina etmək lazımdır.

Bu hansı qidalardır? Saglamolun.az Express Health-a istinadla bildirir ki, ekspertlər təzyiqin artmasına səbəb olan 5 növ məhsulu açıqlayıb.

- Duz. Duzun tərkibində olan natrium bədəndə mayeni saxlayır ki, bu da damarları və ürəyi yükləyir, təzyqiqn yüksəlməsinə səbəb olur. Duzun qəbulunu minimuma azaltmaq lazımdır. Fast-fud, yarımfabrikatlar, dükanlarda satılan hazır yeməklər, hisə verilmiş qidalar, şorabalar, pizza duzla xüsusilə zəngin olduğundan bu kimi qidalardan tam imtina etmək lazımdır.

- Kolbasa, sosis və s. bu kimi məhsullar. Onların tərkibində duzun miqdarı həddindən artıq çoxdur.

- Şəkər damarlarda iltihab yaradır ki, bu da aterosklerozun inkişafına təkan verir. Ateroskleroz zamanı damarlarda xolesterinin yığılması nəticəsində damarlar daralır və bu təzyiqin artmasına səbəb olur.

- Trans yağların çoxlu miqdarda istehlakı qanda pis xolesterinin səviyyəsinin qalxmasına gətirib çıxardır. Artıq xolesterin damarlarda yığılır ki, nəticədə damarlar daralır və təzyiq qalxır.

Transyağlarla xüsusilə zəngin olan məhsullar bunlardır: hazır şirniyyətlar, marqarin, təbii olmayan süd məhsulları, yarımfabrikatlar.

- Spirtli içkilərin çoxlu miqdarda qəbulu təzyiqi qaldırır və həmçinin təzyiq dərmanlarının orqanizmə olan təsirini azaldır.

Mütəxəssislər hipertoniya xəstələrinə spirtli içkilərdən imtina etməyi tövsiyə edirlər.