FİFA beynəlxalq futbol federasiyası ABŞ-ı 2026-cı ildə keçiriləcək dünya çempionatından məhrum etməklə hədələyib.

İstiPress-in Bloomberg-ə istinadən verdiyi məlumata görə, FİFA prezidenti Canni İnfantino bunu bəyan edib.

O bildirib ki, FİFA bu qərarı ABŞ prezidenti Donald Trampın miqrantlarla bağlı imzaladığı sərəncama görə verə bilər.

“ABŞ 2026-cı ildə keçiriləcək dünya çempionatına iddialı namizəddir. Amma istisna edilmir ki, ABŞ Kanada və Meksika ilə birlikdə çempionat keçirə bilər”, - Canni İnfantino bildirib.

FİFA prezidenti deyib ki, azarkeşlər və milli komandaların rəsmilərin ABŞ-a səfər etməsi üçün şərait olmalıdır.

C.İnfantino qeyd edib ki, Donald Trampın işinə hörmət edir, amma o, ölkəsinin xeyrinə qərarlar verməlidir.