azia.az
azia.az

Qadın ölümündən 55 gün sonra ana oldu

21-04-2016, 11:24

Qadın ölümündən 55 gün sonra ana oldu Həkimlər 41 yaşlı xərçəng xəstəsi olan qadına beyin ölümü diaqnozu qoyub.

Ana ölümündən 55 gün sonra uşaq dünyaya gətirib. Hadisə Polşanın Vrotslav şəhərində yerləşən xəstəxanaların birində baş verib. Həkimlər 41 yaşlı xərçəng xəstəsi olan qadına beyin ölümü diaqnozu qoyublar. Qadına diaqnoz qoyulan zaman isə o, 17 həftəlik hamilə olub.
Ürəyi əvvəlki qaydada döyünməyə davam edən qadının uşağını xilas etmək həkimlərə müyəssər olub. Müasir texnologiyanın köməyi ilə həkimlər qadının həyat əhəmiyyətli orqanlarının fəaliyyətini təmin ediblər. Beləliklə, 55 gün sonra qadın üzərində qeysəriyyə əməliyyatı aparılıb və körpə dünyaya göz açıb. İki kiloqram çəkisi olan uşaq 2 ay ərzində intensiv terapiya keçib. Daha sonra o, atası ilə birgə evə yollanıb. Hazırda 3 kiloqram olan körpə tamamilə sağlamdır.
Analoji hadisə ötən ilin may ayında ABŞ-da baş verib. 22 yaşlı Karla Perez ölümündən 54 gün sonra uşaq dünyaya gətirib.
Yüzə yaxın həkim və tibb bacısı Karlanın doğuşu gerçəkləşdirməsi üçün mübarizə aparıb. Doğulan körpəyə "Angel" adı verilib.
Karla Perezin beyninə qan sızıb və o, 2015-ci ilin fevralın 8-də xəstəxanaya yerləşdirilib. Həkimlər 22 həftəlik hamilə qadının erkən doğuş keçirməsinin əleyhinə olublar. Buna görə də ananı 10 həftə müddətinə süni nəfəs aparatına qoşublar. Xüsusi qidalarla bəslənən ana körpəsini dünyaya gətirənə qədər həyatda qalmağı bacarıb. Körpə doğulandan 2 gün sonra ana dünyasını dəyişib.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
«    Noyabr 2019    »
BeÇaÇCaCŞB
 123
45678910
11121314151617
18192021222324
252627282930 
MƏZƏNNƏ
 Valyuta məzənnəsi